СОЛИ ИМОМ АЪЗАМ ЭЪЛОН НАМУДАНИ СОЛИ 2009- БАРОИ МУСУЛМОНОНИ АФҒОНИСТОН ИЛҲОМБАХШ БУД

Душанбе, 6 октябр (АМИТ «Ховар» Назир Назиров). Дар суҳбат бо рўзманигор, сармуҳаррири рўзномаи «Щит» доктори илмҳои фалсафа Д.Назиров изҳор намуданд, ки тобистони соли 2010 ба Ҷумхурии Исломии Афғонистон ташриф оварда ва дар шаҳри Қурдуз бо яке аз ҳамватанонамон Мавлавӣ СайидРаҳматуллоҳ- имом хатиб ва мударриси мадрасаи «Хиёбон» мулоқот намуданд. Мавлавӣ Сайид Раҳматуллоҳ изҳори миннатдорӣ нисбати Президенти Ҷумҳурии Тоҷикистон Э. Раҳмон баён намуд,чунки бо пешниҳодоти ў соли 2009- соли Имом Аъзам эълон шуда буд ва конфронси байналмиллалӣ низ гузашт, ки ин барои мустаҳкам  намудани мазҳаби ҳанафийа, устувор намудани дини ислом нақши муҳим бозид. Мавлавӣ Сайид Раҳматуллоҳ қайд намуд, ки дар мамлакатҳои араб нисбати пайравони мазҳаби ҳанафийа муносибати на он қадар хуб ба чашм мерасид ва пайравони ин мазҳабро шиъа мехонданд. Бинобар ин, мусулмонони пайрави мазҳаби ҳанафийа аз Афғоностон дар давраи зиёрати ҷойҳои муқаддас, яъне дар Арабистони Сауди пайрави мазҳаби ҳанафийа буданашонро пинҳон нигоҳ медоштанд, то ин, ки онҳоро шиъа нахонанд. Баъд аз соли 2009, ки дар Тоҷикистон 1310 – солагии Имом Аъзам, ё ин ки Абу Ҳанифа қайд карда шуд, дар мамлакатхои араб низ пайравони мазҳаби Абу Ҳанифаро ба тариқи расми шинохтанд. Акнун пайравони мазҳаби Абу Ҳанифа, ки аз Ҷумхурии Исломии Афғонистон ба зиёрати ҷойҳои муқаддас мераванд, дар бораи пайрави мазҳаби ҳанафийа буданашон ошкоро сухан меронанд ва ин албатта пеш аз ҳама хизмати бузурги Президенти Ҷ. Т.  Э. Раҳмон аст. Аз ин лиҳоз, Мавлавӣ Сайид Раҳматуллоҳ  қайд намуд, ки аҳли пайравони мазҳаби Абу Ҳанифа дар/ Ҷумхурии Исломии Афғонистон нисбати Президенти Э.Раҳмон бо бовари ва ҳурмату эҳтироми хос менигаранд.