ТАҶДИДИ ДУБОРАИФАБРИКАИ МУРҒПАРВАРӢ
Мӯъминобод, 19 октябр. (АМИТ «Ховар», С. Холов).- Ҷамъияти Масъулияташ Маҳдуди «Мозандарон»-и Эрон дар якҷоягӣ бо Ҷамъияти Саҳомии Пӯшидаи «Якарча»-и ноҳияи Мӯъминобод фабрикаи паррандапарвариро азнав таъмиру тармим намуда, фаъолияташро ба роҳ монданд.Дар фабрика истеҳсоли гӯшт ва саршумори мурғи гӯштиро ба роҳ монда, рӯз ба рӯз афзоиш медиҳанд. Директори ҶММ «Мозандарон»-и Эрон Иброҳим Маҳмуд Аҳмад дар вобастагӣ ба ин мавзӯъ гуфт, ки мақсади азнав ба кор шурӯъ намудани фабрика ин бо ҷойи кор таъмин намудани шаҳрвандони бекор мебошад. Ба иттилои манбаъ дар фабрика айни ҳол 10 000 сар мурғ парвариш ёфта, то ин муддат 60 тонна гӯшти мурғ истеҳсол гардидааст, ки вазни миёнаи онҳо дар 40 рӯз аз 2 кг то 2 кг 500 г дар бар мегирад. Мавриди зикр аст, ки айни ҳол дар фабрика 80 нафар коргарон фаъолият дошта, дар ҳолати пурра ба кор даромадани фабрика масъулин метавонанд то 150 нафарро ба кор қабул намоянд. Роҳбарони фабрика тасмим гирифтаанд, ки то охири сол саршумори чӯҷаро дар дастгоҳи чӯҷабарорӣ ба 1 миллион дона расонанд. Бояд гуфт, ки нархи як килограмм гӯшти мурғи фабрика 12 сомониро ташкил дода, дар бозорҳои ноҳия ва гирду атрофи он фурӯхта мешавад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






