ЗУҲУРОВ БА САНКТ — ПЕТЕРБУРГ РАФТ

       Душанбе, 25  октябр.(АМИТ «Ховар», Марзия Саидова).-Ҳайати парлумонии Ҷумҳурии Тоҷикистон таҳти роҳбарии  Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ҷиҳати  иштирок дар силсилаи чорабиниҳои байнипарлумонӣ ба шаҳри Санкт Петербурги Федератсияи Русия сафар намуд.            Аз маркази матбуоти палатаи поёнии парлумони мамлакат ба АМИТ «Ховар» иттилоъ доданд, ки ҳайати парлумонии Тоҷикистон дар ҷаласаҳои бюрои Ассамблеяи байнипарлумонии ЕврАзЭС,  Созмони Аҳдномаи  амнияти дастҷамъӣ ва Конфронси байнипарлумонӣ бахшида ба солгарди раёсати Ҷумҳурии Қазоқистон дар Созмони амният ва ҳамкорӣ дар Аврупо иштирок намуда, роҷеъ ба муҳимтарин масъалаю рӯйдодҳои байнипарлумонӣ ва вазъи минтақа суханронӣ хоҳад кард.