ҲОЛАТИ ТЕХНИКАИ КИШОВАРЗӢ

Ноябрь 25, 2010 09:31

Душанбе, 25 ноябр. (АМИТ «Ховар», Лаззат Диловарзод).-     Бино ба маълумоти Агентии омори назди Президенти ҶТ, дар хоҷагиҳои деҳқонӣ (фермерӣ) –и ҷумҳурӣ аз 2 ҳазору 794 адад тракторҳои шудгоркунанда 1810 адади онҳо омодаи коранд. Ин нишондиҳанда дар хоҷагиҳои вилояти Хатлон 58 фоиз, ноҳияҳои Роғун 29 фоиз, Шаҳринав  39, Файзобод — 41, Ваҳдат — 42, Турсунзода – 49 ва Тоҷикобрд 50 фоизро ташкил медиҳад.    Аз 3512 испорҳои мавҷудаи тракторӣ ҳамагӣ 73 фоизи онҳо коршояманд. Ин нишондиҳанда дар хоҷагиҳои деҳқонию фермерии вилояти Хатлон ба 70 фоиз, ноҳияҳои  Файзобод – 53, Шаҳринав – 65 ва  Турсунзода ба 72 фоиз баробар аст. Омодагӣ ва таъмири тракторҳо дар хоҷагиҳои деҳқонӣ нисбат ба хоҷагиҳои ҷамъиятӣ аз рӯи тракторҳои гуногунтамға 4 фоиз, тракторҳои шудгоркунанда – 8, ядакҳои тракторӣ — 5, испорҳои тракторӣ- 4 ва мошинҳои заминнармкунӣ (култиваторҳо) 17 фоиз зиёд аст.

Ноябрь 25, 2010 09:31

Хабарҳои дигари ин бахш