40 МУАССИСА КОРГАР МЕҶӮЯД

Душанбе, 30 ноябр. (АМИТ «Ховар», Мавзуна Бойева)- Шўъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷират,  ба таваҷӯҳи шаҳрвандони корҷӯй мерасонад, ки Раёсати   Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон дар шаҳри Турсунзода  3-юми декабри соли ҷорӣ соати 8.00   ярмаркаи ҷойҳои кории холиро   баргузор менамояд, чунин итиоллоъ доданд аз шўъбаи робитаҳои  байналмилалӣ ва ҷамъиятии  Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон.             Дар ярмарка зиёда аз 40-корхонаву ташкилот иштирок намуда, 360 ҷойҳои кории холиро пешниҳод менамоянд, ки музди маоши онҳо аз 150 то 400 сомонӣ мебошад.  Ба нафароне, ки ягон тахассус надоранд ва хоҳиши омўхтани касбу ҳунар доранд, барои иштирок дар курсҳои кўтоҳмуддати касбомўзӣ роҳхат дода мешавад.           Ташкилоту корхонаҳое, ки бо Федератсияи Руссия ва дигар давлатҳои хориҷӣ шартномаи корӣ доранд, низ метавонанд дар ярмарка ширкат варзанд.