АЛОҚАИ МОБИЛИИ РОУМИНГӢ ДАР ИДМ АРЗОН МЕШАВАД
Душанбе, 10 ноябр. (АМИТ «Ховар», Дилшодаи Ҷонмард).-Хадамоти зиддиинҳисории назди Ҳукумати Ҷумҳурии Тоҷикистон ҷиҳати иҷрои қарорҳои Ситоди 15 – уми тафтишоти муштараки қонунвайронкуниҳои зиддиинҳисории давлатҳои иштирокчиёни Иттиҳоди Давлатҳои Мустақил ва ҷаласаи ХХХП – уми Шӯрои байнидавлатии сиёсати зиддиинҳисории Иттиҳоди Давлатҳои Мустақил оид ба паст намудани тарифҳои химатрасонии алоқаи мобилии роумингии пайвастшавӣ бо операторони давлатҳои хориҷӣ мавриди баррасӣ қарор дод. Ҷиҳати иҷрои қарори Ситоди мазкур аз тарафи Хадамоти зиддиинҳисории назди Ҳукумати Ҷумҳурии Тоҷикистон ба операторони алоқаҳои мобилии, ки дар ин бозори моли муайян хизматрасонӣ мавқеъи ҳукмфармоиро ишғол менамоянд дастур дода шуд, ки маълумотҳои заруриро оид ба омӯзиши тарифҳои алоқаи мобилии хизматрасонии роумингӣ дар Ҷумҳурии Тоҷикистон то 15 – уми ноябри соли 2010 пешниҳод намоянд. Баъди таҳлилу омӯзишҳо Хадамоти зиддиинҳисорӣ тасмин гирифтааст, ки меъёрҳои тарифҳои хизматрасониҳои роумингӣ дар асоси талаботҳои қонунгузории зиддиинҳисорӣ паст мефарорад. Дар ин бора аз Маркази матбуоти Хадамоти зиддиинҳисории назди Ҳукумати Ҷумҳурии Тоҷикистон иттилоъ доданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






