БЕҲБУДИИ РАВАНДИ ТАЪЛИМ ДАР ДОНИШГОҲИ АГРАРӢ

Душанбе, 30 ноябр. (АМИТ «Ховар», Сангзода Муслиҳиддин).-     Солҳои  охир  ҳамкории  Донишгоҳи  аграрии  Тоҷикистон  бо макотиби олии хориҷии дуру наздик дар самти баланд бардоштани сифати  таълиму тарбия ва  илму   фарҳанг  ривоҷ меёбад. Аз   ҷумла, бо Донишгоҳи   аграрии  Қирғизистон, Донишгоҳи давлатии  аграрии  Русия,  Донишгоҳи  аграрии Шветсия, Донишгоҳи  илмӣ- амалии  Олмон  шартномаҳои  тарафайн ба имзо  расидаанд.    Тибқи  иттилои   манбаъ,   мақсади асосии    шартномаҳои   тарафайн беҳтар намудани  сифати таълим ва ба роҳ мондани  табодули омӯзишии  ҳайати профессорону  устодон, аспирантон  ва донишҷӯён   мебошад.    Тавассути омӯхтани  таҷрибаҳои   якдигар  ва  тадбиқи онҳо    имкон пайдо мегардад, ки    раванди  таълим дар  заминаи  омӯзиши  барномаҳои  таълимӣ  дар Донишгоҳ беҳтар гардад.