БУНЁДИ ИНШООТИ ҶАШНӢ

 Файзобод, 23 ноябр. (АМИТ «Ховар», Зебо Давлатова). – Тибқи   гуфтаи  сардори  шӯъбаи  сохтмони  асосии  ноҳияи  Файзобод Абдусаттор Болтуев  ба  хабарнигори АМИТ «Ховар»  дар  арафаи  ҷашни 20 – солагии  Истиқлолият  сохтмони мактаби  рақами  19 —  и  деҳаи  Устошамс  сохтмони «Хонаи  ақди  никоҳ»,  оғози  бинои «Осорхона» — и  ноҳия,  чойхона дар   маркази шаҳраки  Файзобод аз ҷониби  соҳибкори  босаховат  Наврӯз  Холиқов, инчунин,  10  нуқтаи  фурӯши  молҳои  ниёзи  мардум,  овардани  оби қишлоқи Чува ба  маркази  ноҳия,  сохтмони  бинои  «Маркази саломатӣ»  барои  150 ҷой  дар  маркази  ноҳия ба  истифода  дода  мешавад.   Абдусаттор  Болтуев  афзуд, ки аз ҷониби  Ҳукумати  Ҷумҳурии  Тоҷикистон  барои  «Хонаи  ақди  никоҳ» ва  «Маркази саломатӣ» маблағ пардохт шудааст. Симои  ноҳияи  Файзобод  рӯз  аз  рӯз  ободу  зебо  мегардад.