Дар Коллеҷи техникию омӯзгории ноҳияи Рӯдакӣ шаҳрвандон барномаҳои компютерӣ меомӯзанд
ДУШАНБЕ, 12.04.2026. /АМИТ «Ховар»/. Дар Коллеҷи техникию омӯзгории ноҳияи Рӯдакӣ барои шаҳрвандони аз 18-сола боло машғулияти кӯтоҳмуддати омӯзишии «Системаи компютерӣ ва интернет-технология» ташкил карда шуд.
Тавре АМИТ «Ховар» бо истинод ба ин коллеҷ хабар медиҳад, ҳадафи асосии ташкили машғулият баланд бардоштани дониш ва малакаи амалии шаҳрвандон дар самти истифодаи технологияҳои муосири иттилоотӣ, шиносоӣ бо барномаҳои компютерӣ, тарзи дурусти истифодаи интернет, кор бо ҳуҷҷатҳои электронӣ ва истифодаи имконияти рақамӣ дар фаъолияти рӯзмарра мебошад.
Зимни омӯзиш иштирокчиён бо асосҳои сохтори компютер, истифодаи барномаҳои офисӣ, тарзи кор бо почтаи электронӣ, ҷустуҷӯи иттилоот дар шабакаи ҷаҳонии интернет, амнияти иттилоотӣ ва дигар донишҳои зарурӣ шинос мегарданд. Машғулият аз ҷониби омӯзгорони соҳибтаҷрибаи коллеҷ бо усулҳои муосири таълимӣ гузаронида шуда, қисми зиёди дарсҳо хусусияти амалӣ доранд.
Ташкили чунин машғулият ба баланд гардидани савияи дониши технологӣ, беҳтар шудани имконияти шуғли шаҳрвандон ва мутобиқ гардидани онҳо ба талаботи бозори меҳнат мусоидат менамояд. Дар анҷоми машғулият ба иштирокчиён Шаҳодатномаи хатм супорида мешавад.
Маъмурияти коллеҷ тасмим гирифтааст, ки дар самти тайёр намудани мутахассисони соҳибкасб пайваста чунин машғулияти омӯзишӣ гузаронад.
АКС: Коллеҷи техникию омӯзгории ноҳияи Рӯдакӣ
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
