Судяҳои Тоҷикистон дар Остона дар конфронси байналмилалӣ иштирок намуданд
ДУШАНБЕ, 11.04.2026. /АМИТ «Ховар»/. Дар шаҳри Остонаи Ҷумҳурии Қазоқистон конфронси дуюми байналмилалии илмӣ-амалӣ дар мавзуи «Эътироф ва ба иҷро расонидани ҳалномаҳои судҳои хориҷӣ ва арбитражи хориҷӣ дар фазои ҷаҳонӣ: мушкилоти ҳифзи ҳуқуқ ва дурнамои рақамикунонӣ» баргузор гардид, ки дар кори он судяҳои Ҷумҳурии Тоҷикистон иштирок намуданд. Дар ин хусус ба АМИТ «Ховар» аз Суди Олии Ҷумҳурии Тоҷикистон хабар доданд.
Ҳадафи асосии иштироки ҳайати судяҳои Тоҷикистон дар ин ҳамоиши байналмилалӣ баланд бардоштани сатҳи касбии судяҳо, омӯзиши усулҳои муосири татбиқи қонунгузории байналмилалӣ ва таҳкими амалияи судии самаранок, инчунин баррасии масъалаҳои марбут ба рақамикунонии равандҳои судӣ мебошад.
Иброз гардид, ки татбиқ намудани унсурҳои рақамӣ ба афзалиятҳои рушди ҳокимияти судии Ҷумҳурии Тоҷикистон мутобиқ буда, омӯзиши таҷрибаи кишварҳои пешрафта метавонад ба пешбурди раванди рақамикунонии низоми судии мамлакатмусоидат намояд.
Иштироки судяҳои Тоҷикистон дар чунин конфронсҳо барои татбиқи дурусти қонунгузорӣ дар амалияи баррасии парвандаҳо, инчунин густариши мубодилаи таҷриба бо судҳои давлатҳои минтақа аҳамияти муҳим дорад.
Дар фарҷоми конфронс иштирокчиён омодагии худро барои идомаи ҳамкориҳои мутақобилан судманд ва тақвияти табодули таҷриба дар самти масъалаҳои баррасишуда изҳор намуданд.
АКС: Суди Олии Ҷумҳурии Тоҷикистон
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
