ДИПЛОМАТИ ТОҶИКИСТОН ДАР ВОЛОГДА

Душанбе, 4 ноябр. (АМИТ «Ховар», Назокат Қодирова).-Дирӯз дар шаҳри Вологдаи Федератсияи Русия расми ботантанаи кушодашавии аввалин осорхонаи маҳсулоти тӯрбофишуда ва чорабинӣ бахшида ба Рӯзи якдилии мардумӣ дар театри драмавии  маҳаллӣ  баргузор гардид. Ба ҳайати иштирокчиёни ин чорабинӣ сарварони консулхонаҳои давлатҳои хориҷие, ки дар шаҳри Санкт-Петербург ҷойгиранд, ҳамчунин, консулҳои генералии давлатҳои Озарбойҷон, Белгия, Кипр ва Украина, дипломатҳо аз Ангола, Белоруссия, Тоҷикистон, Қирғизистон, Перу ва Руминия дохиланд. Имрӯз ҳайати намояндагони чорабинии мазкур аз Маркази фарҳангӣ-маънавии «Марқади Брянчаниновҳо» боздид намуда, ҳамчунин, дар маросими ифтитоҳи тахтаи ёдбуди собиқ президенти Озарбойҷон Хайдар Алиев,  дар    кӯчаи Октябри шаҳри Вологда ширкат менамоянд. Дар ин бора сомонаи ҳукумати вилояти Вологда хабар  дод.