ХИЗМАТИ ХУБИ «ТОҶИКАГРОЛИЗИНГ»

Душанбе, 17 ноябр. (АМИТ «Ховар», Лаззат Диловарзод).- Бино ба маълумоти  роҳбари Корхонаи воҳиди давлатии «Тоҷикагролизинг», дар давоми моҳҳои январ – октябри соли ҷорӣ аз ҳисоби маблағҳои буҷавӣ  корхонаи мазкур ба миқдори 3,5 млн. сомонӣ бо корхонаҳои тавлидкунандаи мошинолоти кишоварзӣ шартнома ба имзо расонид. Тибқи шартномаи ба имзорасида, «Тоҷикагролизинг» 39 адад трактор, 7 адад мошинҳои ғаллакӯб, 4 адад ядакҳои 2 ПТС -4 -793, 3 адад дорупошак, 13 адад испори ПВН  3 -35 ва 150 сихмола ба ҷумҳурӣ ворид намудааст.    Аз ҳисоби фаъолияти хоҷагидорӣ бошад, КВД «Тоҷикагролизинг» 35 адад трактор, 82 адад таҷҳизот ва қисмҳои эҳтиётӣ ба маблағи 3,7 млн. сомонӣ харидааст.    «Тоҷикагролизинг» дар соли 2010 миқдори марказҳои хизматрасонии техникиро ба 29 адад расонид.     Соли ҷорӣ дар асоси Созишномаи байниҳукуматии Тоҷикистон ва Ҳукумати Ҷопон 51 адад тракторҳои МТЗ 82-1 ва 51 адад испорҳои ПВН  3 -35 ба ҷумҳурӣ ворид   гардид.