МАРКАЗИ ШУҒНОН — ЗОДГОҲИ ҚАҲРАМОНИ ТОҶИКИСТОН

       Хоруғ, 22 ноябр. (АМИТ «Ховар»,  Л.Додо).-  Дар  деҳаи  Миденшорви  ҷамоати  деҳоти  Поршневи  ноҳияи  Шуғнон бунёди  иншооти нав ва азнавсозии маркази нави  ноҳияи Шуғнон  оғоз   гардид.  Сохтмони иншооти маркази  ноҳияро  бинокорони ширкати  сохтмонии «Бунёд» бар  ӯҳда  доранд. Тавре  садри «Бунёд» Гулаҳмад  Шоҳсафедов  иттилоъ дод,  дар навбати  аввал  бинои  мақомоти маҳаллии ҳокимияти  давлатии  ноҳия  сохта  мешавад.           Хотиррасон  бояд  кард, ки   соли  2009  Қарори Ҳукумати  Ҷумҳурӣ дар  бобати  ба  ҳудуди ҷамоати  деҳоти  Поршнев кӯчонидани маркази   маъмурии  ноҳияи  Шуғнон  ба тасвиб  расида буд. Поршнев  агар  аз  як  тараф  зодгоҳи  Қаҳрамони  Тоҷикистон Шириншоҳ  Шоҳтемур  бошад,  аз тарафи  дигар хеле  ҷамоати обод   аст.             Дар   ноҳия  5 мактаби таҳсилоти  ҳамагонӣ, 3  осорхона,  6  бунгоҳи  тиббӣ, касалхонаи  ноҳиявӣ, Маркази  фарҳангу  фароғат,  мактабҳои  санъату  варзиш, Маркази  саломатӣ ва  шӯъбаи  «Ёрии таъҷилӣ», инчунин корхонаҳои  либосдӯзӣ,  сангтарошию  чӯбкоркунӣ      фаъолият  доранд.