МАЪЮБОН ҲАМ ИСТЕҲСОЛОТГАРАНД

   Душанбе, 11 ноябр. (АМИТ «Ховар», Лаззат Диловарзод).- Аз шӯъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷират иттилоъ доданд, ки Корхонаи воҳиди давлатии заводҳои протезию ортопедии (КВД ЗПО) шаҳри Душанбе дар моҳҳои январ – сентябри соли 2010 ҷиҳати беҳтар гардонидани вазъи хизматрасонии иҷтимоӣ  ба маъюбон ва дигар табақаҳои ниёзманд корҳои муайянро ба анҷом расониданд.    Дар корхонаи мазкур 91 нафар коргарони баландихтисос фаъолият мекунанд, ки аксарияташонро  маъюбон ташкил медиҳанд.    Маҳсулоти тайёр кардаи корхона ҳар моҳ тибқи варақаҳои дархостӣ ба маъюбон дода  мешаванд.    Корхона дар давоми 9 моҳи соли ҷорӣ 12 ҳазору 739 нафар маъюбонро бо маҳсулоти протезию ортопедӣ таъмин намудааст.    Дар  10 моҳи соли ҷорӣ ба маъюбони ҷумҳурӣ 700 адад аробачаи маъюбӣ, 1700 адад асобағал ва 6850 адад асо    дода шудааст.