МУЛОҚОТ БО НАМОЯНДАИ СММ
Душанбе, 30 ноябр. (АМИТ «Ховар», Фирдавс Таваров). – Президенти Ҷумҳурии Тоҷикистон Эмомалӣ Раҳмон имрӯз бо роҳбари Раёсати Созмони Милали Муттаҳид дар масъалаҳои назорати маводи нашъадор ва ҷинояткорӣ Юрий Федотов мулоқот кард. Ю.Федотов баъди анҷоми мулоқот зимни сӯҳбат бо хабарнигорон изҳор намуд, ки ҳамроҳи Президент масъалаҳои вусъати ҳамкории байналхалқӣ, зарурати муқаррар намудани нақшаи доманадори стратегии мубориза ба муқобили паҳншавии маводи нашъадор ва пурзӯр намудани ҳамкории мамлакатҳои аъзои СММ – ро дар ин самт мавриди баррасӣ қарор додааст. Ю.Федотов изҳор намуд, ки Раёсати СММ дар масъалаҳои назорати маводи нашъадор ва ҷинояткорӣ тайёр аст, ба Ҷумҳурии Тоҷикистон дар ҳалли вазифаҳои марбута кӯмаки ҳамаҷониба расонад. Номбурда ба фаъолияти самарабахши Агентии назорати маводи нашъадори назди Президенти Ҷумҳурии Тоҷикистон баҳои баланд дод. Бояд гуфт, ки агентии мазкур бо дастгирии СММ ташкил карда шудааст. Мухбири АМИТ «Ховар» хабар медиҳад, ки Ю. Федотов зимни сафар ба яке аз қитъаҳои сарҳади Афғонистону Тоҷикистон рафта, бевосита бо вазъияти сарҳад ва тадбирҳои мустаҳкам намудани он шинос хоҳад шуд.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
