МУЛОҚОТИ ЭМОМАЛӢ РАҲМОН БО ЮРИЙ ФЕДОТОВ
Душанбе, 30 ноябр. (АМИТ «Ховар»).- Президенти Ҷумҳурии Тоҷикистон Эмомалӣ Раҳмон Муовини дабири кулли Созмони Милали Муттаҳид, Директори иҷрокунандаи Раёсати Созмони Милали Муттаҳид доир ба маводи мухаддир ва ҷинояткорӣ Юрий Федотовро ба ҳузур пазируфт. Дар мулоқот масоили ҳамкории Тоҷикистон бо Созмони Милали Муттаҳид дар мубориза бо гардиши ғайриқонунии маводи мухаддир баррасӣ шуд. Аз фаъолияти Агентии назорати маводи нашаовари назди Президенти Ҷумҳурии Тоҷикистон, ки бо дастгирии молию техникии Созмони Милали Муттаҳид таъсис ёфтааст ва аз кори босамари дигар сохторҳои кишвари мо дар мубориза бо ин вабои аср изҳори қаноатмандӣ карда шуд. Ба гуфти Юрий Федотов, «Тоҷикистон дар воқеъ дорои мутахассисони корозмудаи ин соҳа аст ва таҷрибаи ҳамкорие, ки он бо Созмони Милали Муттаҳид дар ин самт ба роҳ мондааст, барои ҳамаи кишварҳои минтақа ибратбахш мебошад». Ҳарду ҷониб омодагӣ ва ҳавасмандии худро ба идомаи ҳамкории босамар дар мубориза бо истеҳсол ва гардиши ғайриқонунии маводи мухаддир, аз ҷумла бевосита дар Афғонистон, ки яке аз манбаъҳои асосии ин маводи марговар дар ҷаҳон аст, таъкид намуданд.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
