НОРАСОИИ БАРҚ — МОНЕАИ ПЕШРАВӢ

       Ваҳдат,  30 ноябр. (АМИТ «Ховар»,  Зебо  Давлатова). – Ба  гуфти  мудири  шӯъбаи  иқтисоди  шаҳри  Ваҳдат Маҳмадбек  Зарабеков,  соли равон ҶДММ «Доро – оҳангар»  истеҳсоли  маҳсулоти  саноатиро  хуб ба  роҳ  монда, то  имрӯз  154 ҳазору 996  сомонӣ  маҳсулот, аз  қабили  зарфҳои  алюминиӣ,  маҳсулоти  қолибӣ  истеҳсол  намуд, ки  нисбат ба  ҳамин  давраи  соли  гузашта 27  ҳазору  312  сомонӣ  зиёд  аст.             Айни  замон  дар  корхона  мушкилоти асосӣ   нарасидани  барқ  мебошад.  Бояд  гуфт, ки дар  корхонаи  мазкур 86  нафар  коргар фаъолият  дошта, маоши  миёнаи онҳо аз  230 то 360  сомониро  ташкил  медиҳад. Маҳмадбек  Зарабеков  афзуд, ки  корхонаи  мазкур  аз  5  сех  иборат  буда,  дар  сурати пурра  бо  барқ таъмин будан    истеҳсоли  маҳсулот меафзояд.