ТАЪЗИЯИ Ҳ. ЗАРИФӢ АЗ МАРГИ САФИР

Душанбе, 12 ноябр. (АМИТ «Ховар», Пайрав Назаров) – 11 ноябри соли 2010 Вазири корҳои хориҷии Ҷумҳурии Тоҷикистон Ҳамрохон Зарифӣ ба Сафорати Ҷумҳурии Қазоқистон омада, ба кормандони он аз марги бармаҳали Сафири фавқулодда ва мухтори Ҷумҳурии Қазоқистон дар Ҷумҳурии Тоҷикистон Абӯтолип Ибиҷонович Ахметов изҳори ҳамдардӣ намуд.               Ҳ. Зарифӣ ба хешу наздикони А. И. Ахметов изҳори  ҳамдардӣ намуда, дар Китоби таъзияҳо навишт:  «Абӯтолип Ибиҷонович дар хотири мо ҳамчун хизматчии дипломати кордони касбӣ, дӯсти содиқ ва самимии Тоҷикистон, ки дар таҳкими муносибатҳои кишварҳо ва халқҳои мо саҳми назаррас гузоштааст, боқӣ мемонад»,- муроҷиат намуда, гуфт Ҳ. Зарифӣ ба хешу наздикони А. И. Ахметов ва намояндагони корпуси дипломатии Қазоқистон дар Тоҷикистон.   Вазири корҳои хориҷии Ҷумҳурии Тоҷикистон Ҳ. Зарифӣ имрӯз, ҳамчунин, ба Котиби давлатӣ, Вазири корҳои хориҷии Ҷумҳурии Қазоқистон Канат Саудабоев барқияи ҳамдардӣ фиристод.             Дар барқияи ҳамдардӣ, аз ҷумла, омадааст:             Хизмати бузурге, ки А. Ибиҷонова корҳое, ки барои вусъати муносибатҳои байнидавлатӣ, рушд ва таҳкими ҳамкориҳои манфиатовари бисёрсоҳаи байни Тоҷикистону Қазоқистон намудааст, беҳисоб аст. Сифатҳои олии инсонӣ, ватандӯстии амиқ ва худфидоии ӯ аз ҷониби мо сазовори эҳтиром гардидани ӯст.