1677 ХОНАНДАИ ВМКБ-ДОНИШҶӮИ ДОНИШГОҲҲОИ ХОРИҶӢ

Хоруғ, 1 декабр. (АМИТ «Ховар»,  Л.Додо). –  Вазъи  соҳаи   маорифи  ВМКБ   рӯ ба  беҳбудӣ меорад. Тавре  мудири  маорифи  вилоят  Ғарибшоҳ Ғарибшоев иттилоъ  дод,  аз соли  1992  то   ин муддат  аввалин бор аст, ки  мактабҳои  вилоят   пурра  бо  омӯзгорон таъмин  гардидаанд. 618  нафар  хатмкардаи  донишгоҳҳои  ҷумҳурӣ  ва  шаҳри  Хоруғ соли ҷорӣ ба  мактабҳои вилоят  фиристода шуданд, ки    онҳо  имрӯз  машғули  тарбияи  насли  наврасанд. Хонандагони мактабҳои вилоят  бо  китобҳои  дарсӣ пурра таъминанд.  Дар  мактабҳо  синфҳои  компютерӣ  фаъолият доранд. Мавҷуд будани шароити мусоиди таълим боиси баланд  гардидани савияи  дониши  хонандагон мегардад. Бояд гуфт, ки соли таҳсили 2009- 2010–ум  1677  нафар хонандаи мактабҳои вилоят ба донишгоҳҳои  мамолики  гуногуни  дунё ва 1498  нафар   ба донишгоҳҳои  ҷумҳурӣ  дохил  шуданд.