БАДАХШОНИЁН ЗАХИРАИ ОЗУҚА ДОРАНД

              Хоруғ, 3 декабр. (АМИТ «Ховар»,  Л.Додо). – Соли  ҷорӣ  захираи  маводи  озуқаворӣ ва маҳсулоти гуногуни кишоварзии  сокинони   шаҳру  навоҳии  ВМКБ  нисбат  ба  солҳои  пеш    беҳтар  аст.  Мардум  ҳам  орд,  ҳам  ғалла,  ҳам  равған ва  маводи дигари  заруриро  нисбат  ба  солҳои  қаблӣ  ба  маротиб  бештар  захира  намудаанд.  Ба ақидаи коршиносон   ин аз  як  тараф самараи  заҳмати   деҳқонони  вилоят   ва  аз тарафи дигар    натиҷаи    зуд-зуд ташкил кардани  ярмаркаҳои  фурӯши  маҳсулоти  кишоварзӣ  дар  вилоят мебошад. Соли  ҷорӣ кишоварзони  вилояти  Хатлону навоҳии  тобеи  ҷумҳурӣ   дар  бозорҳои вилоят ярмаркаҳо ташкил  намуда,  маҳсулоташонро   нисбат  ба нархи  бозор     арзонтар   фурӯхтанд.          Дар  бозорҳои вилоят,  инчунин  масъулини  Агентии  захираҳои  моддии давлатии  назди Ҳукумати Ҷумҳурии  Тоҷикистон,  Корхонаи  воҳиди  давлатии   захираи  ғалла  ва  Ҷамъияти  матлуботи  вилоят  низ  пайваста  ярмаркаи  фурӯши  маҳсулоти кишоварзӣ  доир намуданд.