ДАР ПОЙТАХ БОЗ ЯК ФАВВОРА ЗАМ ШУД
Душанбе, 2 декабрь. (НИАТ «Ховар» Мавзуна Бойева) — Ободу зебо гардонидани майдон ва гулгаштҳои пойтахти кишвар ба ҳукми анъана даромадааст. Шоми 1 декабри соли 2010, пас аз анҷоми таъмири асосӣ фаввораи майдони назди фурудгоҳи Душанбе ба кор даромад. Мавриди истифода қарор гирифтани фаввора дар шом яъне бо фарорасии торикӣ аз он сабаб буд, ки муаллифони лоиҳа, сохтмончиён ва фармоишгар бояд раванди кори фаввораро, ки бо чароғҳои ранга муҷаҳҳаз шуда, бо оби ҷаҳанда омехта ҷило медод, месанҷиданд. Дар воқеъ маълум гашт, ки аз ҷониби сохтмончиёни Ширкати сохтмонии «Тренинг класс» фаввора бо риояи технологияи сохтмонӣ бунёд шудааст. Муаллифи лоиҳа Нигай Владимир иброз дошт, ки истифодаи барқ ва об ва насб намудани чароғҳои равшанидиҳанда, ки бо ҷаҳиши оби фаввора бояд даромехта шаванд, кори басо мураккаб аст ва сохтмончиён аз ўҳдаи кор баромаданд. Баландии ҷаҳиши оби фаввора 8 метр буда се ҳалқа дорад ва атрофи ҳавзи онро чатрчаҳои обӣ оро медиҳанд. Дар маркази фаввора бошад, композитсияи афсонавии ҷойгиршавии замин ва фатҳ намудани кайҳон аз ҷониби инсон қарор дорад. Фаввораи нав ба шаҳр ҳусни нав мебахшад.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
