КУМИТАҲОИ МАҲАЛЛӢ БУНЁДКОРАНД

Хоруғ, 2 декабр. (АМИТ «Ховар», Л.Додо). – Кумитаҳои  маҳаллии  деҳотӣ, ки  як  навъ  ҳокимияти  мардумӣ  ба ҳисоб мераванд, пайваста баҳри ҳалли  масоили муҳими ҳаёти    сокинони   деҳот кӯшиш менамоянд. Сокинони   деҳаи   Намадроҷи  ҷамоати  деҳоти  Тусёни  ноҳияи  Роштқалъаи  ВМКБ  солҳо  боз  аз   норасоии  об  азият мекашиданд. Бо маслиҳат ва  кӯшиши  аъзои кумитаи  маҳалла 8  нафар  ҷавонони  деҳа барои кандани  ҷӯйбор  сафарбар   гардиданд. Ҷавонон тавонистанд,  ки бо  белу   зоғнӯл  дар  давоми  як  моҳ   аз  мавзеъи  Шарвдара ба  Намадроҷ  ба  масофаи  8 км  ҷӯйбор  кананд. Тавассути меҳнати ин ҷавонони баномус ба деҳа об оварда шуд. Бо шарофати соҳиби об гардидани сокинони деҳа акнун  барои  обёрии   заминҳои  кишту  чарогоҳҳо дигар  мушкилӣ пеш намеояд. Бар  замми  ин  дар  навбати  аввал   20  га  замини  навкорам обёрӣ мегардад. Коршиносон  бар онанд, ки  ободию  рушди  деҳоти  кӯҳистон бо  азму талоши аъзои  кумитаҳои  маҳалла, ки нерӯи  асосии   онҳо мардум  аст,  нисбат  ба  имдоди  созмонҳои  байналмилал беҳтару манфиатовар аст.