МАҶЛИСИ ШӮРОИ ҲАМОҲАНГСОЗИ СААД

Маскав,  1 декабр. (АМИТ «Ховар», Ҳалима  Хушқадамова). –  Имрӯз  дар пойтахти  Федератсияи  Русия – шаҳри  Маскав  таҳти раёсати вазири мудофиаи  шаҳрвандӣ,  вазъияти  фавқулодда ва  бартараф  сохтани оқибати  фалокатҳои  табиии Русия  С. Шойгу маҷлиси  Шӯрои  ҳамоҳангсози роҳбарони  сохторҳои  вазъияти  фавқулоддаи  мамлакатҳои  аъзои  Созмони аҳдномаи  амнияти  дастаҷамъӣ  кушода  мешавад. Дар  он  масъалаҳои  марбут ба  истифодаи қувваю  воситаҳои  вокуниши  давлатҳои  аъзои  созмон  дар  бобати  ба эътидол  овардани  вазъияти Ҷумҳурии  Қирғизистон,  роҳу  усулҳои  вокуниши  дастаҷамъӣ ба ҳар  гуна вазъияти  фавқулодда ва  пешниҳодҳо дар  бораи  таъсиси маркази  ягонаи  иттилоотӣ муҳокима  карда  мешаванд. Иштирокчиёни  маҷлис  инчунин ҷараёни  иҷрои  Нақшаи  фаъолияти  созмонро  дар  бобати  ташаккули  низоми  вокуниши  дастаҷамъӣ  ба  шароити фавқулодда  баррасӣ  намуда, пойгоҳҳои асосиро  барои  тайёр  намудани  ҷузъу томҳои  мақомоти  дахлдори  давлатҳои  аъзои  созмон  муайян  мекунанд, ки  салоҳияти  пешгирӣ ва  барҳам додани  вазъияти  фавқулодда  ба  зиммаи  онҳо  гузошта шудааст.