МУҲОКИМАИ МАСЪАЛАҲОИ АМНИЯТИ ДАСТАҶАМЪӢ ДАР МАСКАВ

Маскав,  3 декабр. (АМИТ «Ховар»,  Ҳалима  Хушқадамова). – 9  декабри соли равон  дар  Маскав  маҷлиси  муштараки  Шӯрои  вазирони  корҳои  хориҷӣ, Шӯрои  вазирони  мудофиа ва  Кумитаи  котибони  шӯроҳои  амнияти  давлатҳои  аъзои  Созмони аҳдномаи  амнияти  дастаҷамъӣ  баргузор  мегардад.  Дар  он   масъалаҳои  рӯзномаи  иҷлосияи  навбатии Шӯрои  амнияти  дастаҷамъии СААД, лоиҳаи  ҳуҷҷатҳои  марбут ба  бештар  сохтани  самаранокии  низоми вокуниш дар  вазъияти бӯҳронӣ,  муқаррар  намудани мақоми  қувваю воситаҳои  системаи   амнияти  дастаҷамъӣ  ва  ҳамкории ҳарбию  иқтисодии  давлатҳои  аъзо баррасӣ  карда  мешаванд.            Иштирокчиёни  маҷлис  инчунин  лоиҳаи  ҳуҷҷатҳоеро  муҳокима  хоҳанд  кард, ки  фаъолияти  созмонро  дар  соҳаи  ҳамкории ҳарбӣ, низомию  техникӣ,  амнияти  иттилоотӣ ва  ғайра  танзим  мекунанд.