ТАҚСИМОТИ ЗАМИН ТАРИҚИ ҚУРЪАПАРТОӢ

Ваҳдат, 27 декабр. (АМИТ «Ховар»,  З.Давлатова). –  Тавре  муовини  аввали   раиси  шаҳри  Ваҳдат  Қиёмиддин  Абдуллоев  ба  хабарнигори  АМИТ «Ховар»  иттилоъ  дод,  ҳафтаи  равон  оид  ба  амалӣ намудани  қарорҳои  ҲҶТ  «Дар  бораи  гирифтан ва  ба мақомоти  иҷроияи  маҳаллии Ҳокимияти  давлатии шаҳру  ноҳияҳо   додани  қатъаи  замин» ба  таври  шаффоф  тариқи  қуръапартоӣ  дар  маҳаллаи Элоки  Ҷамъоати  деҳоти Дӯстӣ тақсимоти  замин  баргузор  гардид. Номбурда  афзуд, ки  дар  мавриди  қуръапартоӣ  муовини Сарвазири  Ҷумҳурии  Тоҷикистон Муродалӣ  Алимардонов  раиси  шаҳри  Ваҳдат  Анвари  Вайсиддин,  инчунин,  раисони  ноҳияҳои тобеи  маркази  ҷумҳурӣ  иштирок   намуданд. Қуръаи  аввалинро сокини  ҳамин  маҳалла  Бӯригул  Азизова бо рақами  қитъаи  15  соҳиб  гардид. Қуръаи  дуюм бо рақами  қитъаи  3  насиби  Бибимоҳ  Муродова  шуд  Ҳамин  тариқ қуръапартоӣ  ба таври  шаффоф   гузаронида,  26  нафар   сокини маҳаллаи  Элок  соҳиби  замини  наздиҳавлигӣ  гардиданд. Инчунин,  дар  масоҳати  50  гектар  замин тариқи  қуръапартоӣ аз ҷониби Ҳукумати  маҳаллии  шаҳри  Ваҳдат  сохтмони  варзишгоҳ  барои  ҷавонони ҷамоати  Дӯстӣ  ҷудо  карда шуд.