ВАЗЪИ ДЕМОГРАФИИ КИШВАР ДАР 10 МОҲ

Душанбе, 15 декабр. (АМИТ «Ховар», Лаззат Диловарзод).- Дар моҳҳои январ — октябри соли 2010 мақомоти сабти асноди ҳолати шаҳрвандӣ (САҲШ) 185 ҳазор кӯдаки навзод ва 24 ҳазор ашхоси фавтида, аз ҷумла беш аз 2 ҳазор кӯдакони то 1 соларо ба қайд гирифтаанд,- иброз доштанд дар Агентии омори назди Президенти   Ҷ Т  ба мухбири АМИТ «Ховар».    Шумораи бақайдгирифташудаи кӯдакони навзоди дар мӯҳлатҳои дар асоси қонун муайяншуда 133 ҳазор нафар ё ин ки 72 фоизро  ташкил додааст.    Бақайдгирии кӯдакони навзод  дар 10 моҳи соли 2010 нисбат ба ҳамин давраи соли 2009  ба андозаи 7 фоиз ва бақайдгирии кӯдакони навзоди  дар мӯҳлатҳои дар асоси қонун муйяншуда наздик ба 8 фоиз зиёд шудааст.    Коэффитсиентҳои  умумии таваллуд ва фавт  аз рӯи баҳои пешакӣ мутаносибан ба 1000 нафар аҳолӣ 23 ва 4 нафар рост омадааст.    Афзоиши бақайдгирии таваллуд дар ҳамаи минтақаҳои ҷумҳурӣ  мушоҳида мешавад. Аммо шумораи ашхоси фавтида дар ин муддат бештар — 24 ҳазор нафарро ташкил дод, ки нисбат ба ҳамин давраи соли 2009  3 ҳазор нафар зиёд аст.