АФЗОИШИ НАВЪҲОИ САБЗАВОТ ДАР ГАРМХОНАҲО

Душанбе, 31 январ. (АМИТ «Ховар», Дилшодаи Ҷонмард). — Бино ба иттилои раёсати растанипарварии Вазорати кишоварзӣ дар ҷумҳурӣ тибқи  супориш дурнамои гармхонаҳои доимӣ 68,26 гектар мебошад, майдони киштшуда 40,16 гектарро (59%) дар бар мегирад, ки аз он помидор 17,13 гектар, бодиринг 11,04 гектар, дигар навъҳои сабзавот 11,99 гектарро  ташкил медиҳанд. То санаи 31.01.11 аз гармхонаҳо 11,5 тонна помидор, 93,7 тонна бодиринг ва 5,6 тонна дигар навъи сабзавот истеҳсол шудааст. Дар ВМКБ майдони киштшуда 1,48 гектар, помидор 0,09 гектар, бодиринг 0,29, дигар сабзавот 1,1 гектарро ташкил медиҳад. Дар вилояти Суғд  супориш 25,01 гектар, майдони киштшуда 19,04 гектар (76,1%) буда, помидор 7,05 га, бодиринг 4,51 гектар, дигар сабзавот 7,48 гектарро дар бар мегирад. Дар вилояти  Хатлон супориш 28,91 гектар, майдони киштшуда 14,92 гектар  (52%)-ро  дар бар мегирад. Дар масоҳати 7,75 га замин кишти помидор, дар 5,30 га кишти бодиринг, дар 1,87 га кишти дигар навъҳои сабзавот гузаронида шудааст. То имрӯз аз гармхонаҳои вилоят ба миқдори 5 тонна помидор, 93,7 тонна бодиринг, 5 тонна дигар  навъҳои сабзавот истеҳсол шудааст.