КӮМАКИ БОНКӢ БАРОИ БАЛАНД БАРДОШТАНИ САТҲИ ТЕХНОЛОГӢ
Душанбе, 31 январ. (АМИТ «Ховар», Покиза Маҳмадбекова). — Ҳанӯз соли 2005 аз ҷониби Бонки Исломии Рушд ба Бонки давлатии амонатгузории Ҷумҳурии Тоҷикистон «Амонатбонк» бо мақсади муҷаҳҳаз гардонидани муассисаҳо бо технологияи нави бонкдорӣ ва дар ин замина баланд бардоштани савияи дониши кормандон ба миқдори 240 ҳазор доллари ИМА грант ҷудо гардида буд. Маблағи ҷудогардида барои дастрас ва ҷорӣ намудани барномаи нав ва муосири бонкдории RS-Bank, бозомӯзии кормандон ва таъмини муассисаҳо бо техникаи соҳавӣ аз тарафи Амонатбонк масраф гардид. Имрӯз маҳз тавассути гранти мазкур тамоми 75 филиали бонк ба тавозуни ягонаи муттамарказ ворид гардида, фаъолияти ҳамаи муассисаҳо аз рӯи барномаҳои муосири бонкдорӣ сурат мегиранд. Ҳамзамон қисмати зиёди мутахассисони бонк тавассути маблағгузории номбурда дар дохил ва хориҷи кишвар бо таҳсил ва бозомӯзӣ фаро гирифта шуданд, ки имрӯз дар бахшҳои гуногун фаъолияти самарабахш мебаранд. Ин масоил ва дигар тарафҳои ҳамкориҳои БДА ҶТ «Амонатбонк» ва Бонки Исломии Рушд дар мулоқоти намояндагони ин ташкилоти молиявии бонуфуз дар ҳайати Ҳусейн Зивалч – мутахассиси калон оид ба нархгузорӣ, Фазлиддин Тулагонов – мутахассис оид ба нархгузории Департаменти нархгузории амалиётии БИР ва Раиси Раёсати БДА ҶТ «Амонатбонк» Гулнора Ҳасанова мавриди баррасӣ қарор гирифт. Дар мулоқот ҳамчунин қайд гардид, ки «маҳз кӯмаки Бонки Исломии Рушд дар баланд бардоштани сатҳи техникию технологии муассисаҳои бонк ва донишу малакаи кормандон таъсири мусбат гузошт». Имрӯз Амонатбонк бо барнома ва техникаву технологияи ҷадиди бонкдорӣ муҷҷаҳаз буда, сатҳи фаъолияти он мутобиқ ба стандарҳои байналмилалӣ мебошад.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
