ОСОРХОНАИ ОСОРИ ТУРСУНЗОДА

     Душанбе, 14 январ. (АМИТ «Ховар», Назокат Қодирова). — Дар шаҳри Турсунзода ба ифтихори 100 солагии зодрӯзи Қаҳрамони Тоҷикистон, Шоири Халқии Ҷумҳурии Тоҷикистон устод Мирзо Турсунзода осорхона ташкил мешавад. Айни замон дар осорхонаи мазкур корҳои асосии сохтмонӣ ба анҷом мерасанд.     Бояд гуфт, ки сохтмони ин осорхона бо маблаѓгузории Ҳукумати Ҷумҳурии Тоҷикистон амалї мегардад.      Бино сеқабата буда, бо тарзи меъмории шарқӣ сохта мешавад.     Барои бунёди ин иншооти ҷашнї Ҳукумати Тоҷикистон 6 миллиону 300 ҳазор сомонї маблаѓ ҷудо намудааст.    Бино дар арафаи таҷлили 100 солагии зодрӯзи Шоири Халқии Тоҷикистон моҳи майи соли ҷорӣ мавриди истифодаи умум қарор мегирад.