ФАРХОР БОЗОРҲОРО БО САБЗАВОТИ БАРВАҚТӢ ТАЪМИН МЕНАМОЯД

   Душанбе, 28 феврал. (АМИТ «Ховар», Бекназари Абӯбакр). — Иқдоми Президенти Ҷумҳурии Тоҷикистон Эмомалӣ Раҳмон дар самти истифодаи самараноки замин, бунёди боғҳои содиротӣ, таъмини бозорҳои ҷумҳурӣ бо маҳсулоти дохилӣ аз ҷониби сокинони ноҳияи Фархори вилояти Хатлон ҳамаҷониба дастгирӣ меёбад.    Кормандони ташкилоти ҷамъиятии «Нигора» дар ҳамкорӣ бо созмони «Нури Хатлон» дар масоҳати 0,25 га 10 адад гармхона ташкил намуда, ба парвариши сабзавоти барвақтӣ машғуланд.    Мавриди зикр аст, ки ин иқдом аз як ҷиҳат ба ғанӣ гардонидани бозори дохилӣ бо маҳсулоти худӣ боис гардад, аз ҷиҳати дигар ба ин васила 10 оила бо ҷойи кор таъмин гардид.     Бояд тазаккур дод, ки ин ташкилотҳои ҷамъиятӣ бо дастгирии ҷавонони маҳаллӣ дар ҷамоати Дарқад як варзишгоҳ бунёд намуда, варзишгарони ҷамоатро бо  либоси варзишӣ таъмин намуданд.