МУОВИНИ РАИСИ ШАҲРИ ДУШАНБЕ ТАНБЕҲ ГИРИФТ
Душанбе, 14 феврал.(АМИТ «Ховар», Марзия Саидова).- Раиси шаҳри Душанбе Маҳмадсаид Убайдуллоев 14 феврал дар ҷаласаи шаҳрдорӣ ба муовини соҳавии худ Санавбар Раҳимова танбеҳ эълон намуд. Суст ва нокифоя ба роҳ мондани корҳои тарғиботӣ дар мавриди сафарбар намудан барои иштирок дар маъракаи 900 рӯзи ободонӣ яке аз сабабҳои танбеҳ гирифтани муовини Раиси шаҳр аст. Аз ин рӯ, М. Убайдуллоев ба С. Раҳимова ҷиҳати рафъи камбудиҳои ҷойдошта дар мавриди ташкили корҳои густурдаи таблиғотӣ ва сафарбарии иқтидори ҷамоатчигӣ дар шаҳраку маҳаллаҳо барои иштирок дар маъракаи 900 рӯзи ободонӣ мӯҳлат дод. Тибқи иттилои котиби матбуотии Раиси шаҳр Шавкат Саидов, дар ҷаласа ҷараёни татбиқи нақшаи чорабиниҳо дар асоси Қарори Раиси шаҳри Душанбе «Дар бораи омодагӣ ба ҷашни 20-солагии Истиқлолияти давлатии Ҷумҳурии Тоҷикистон» тасдиқ гардида матраҳ гардид. Инчунин, фаъолияти навбатдории шабонарӯзии шаҳрдорӣ ва телефонҳои боварӣ (221-26-95, 223-22-14) оид ба қабули муроҷиати сокинон нисбат ба хизматрасониҳои коммуналӣ аз тарафи сохторҳои муҳандисӣ мавриди баррасӣ қарор гирифта, ҷиҳати самаранокии кори навбатдорон, ки шабона зери роҳбарии муовинони масъули Раиси шаҳр ва мудирони шӯъбаҳои дахлдори дастгоҳи Раиси шаҳр ба таври доимӣ сурат мегирад, баррасӣ гардида, дастурҳои мушаххас ироа шуд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
