ПЕШНИҲОДИ НИЗОМИ НАВИ КӮМАКҲОИ ИҶТИМОӢ
Душанбе, 16 феврал. (АМИТ «Ховар», Мавзуна Бойева). — Аз 1 январи соли 2011 то 31 декабри соли 2012 оид ба ҷорӣ намудани низоми кўмакҳои унвонии иҷтимоӣ дар шаҳри Истаравшан ва ноҳияи Ёвони вилояти Хатлон таҷриба гузаронида мешавад. Тарзи муайян намудани оилаҳои камбизоат, ки ҳуқуқи гирифтани кўмаки унвонии иҷтимоиро доранд, аз ҷониби Вазорати меҳнат ва ҳифзи иҷтимоии аҳолии Ҷумҳурии Тоҷикистон дар мувофиқа бо Вазорати молияи Ҷумҳурии Тоҷикистон ва Агентии омори назди Президенти Ҷумҳурии Тоҷикистон таҳия ва тасдиқ шудааст. Дар ин бора ба мухбири АМИТ «Ховар» аз шўъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии Ҷумҳурии Тоҷикистон иттилоъ доданд. Айни ҳол, дар ин ноҳияҳои пилотӣ аз тарафи кормандони омўзонидашуда бо оилаҳои камбизоат кор бурда мешавад. Инчунин, аз рўи ҳисоботи пешниҳодгардидаи Комиссияи Аврупоӣ оид ба лоиҳаи «Мусоидати техникӣ бо Барномаи дастгирии сиёсати секторалӣ дар соҳаи ҳифзи иҷтимоӣ дар Тоҷикистон» ва оид ба пардохти иҷтимоию имтиёзҳо буклетҳо, навиштаҷот, видеороликҳо, барномаҳо дар радио ва мақолаҳо дар маҷаллаҳои ноҳиявӣ паҳн гардидаанд. Дар миқёси ҷумҳурӣ гурўҳҳои корӣ таъсис ёфта, дар ҷамоатҳо аз тарафи мутахассисони Агентии давлатии ҳифзи иҷтимоӣ, шуғли аҳолӣ ва муҳоҷират ва Хадамоти назорат дар соҳаи меҳнат ва ҳифзи иҷтимоии Вазорати меҳнат ва ҳифзи иҷтимоии аҳолии ҶТ семинарҳои омўзишӣ гузаронида шудаанд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
