БОЗДИДИ ВАЗИР АЗ ФАЙЗОБОД

Душанбе, 9 март. (АМИТ «Ховар», Марзия Саидова).- Зимни сафари кории худ ба ноҳияи Файзобод вазири маорифи ҷумҳурӣ Абдуҷаббор Раҳмонов бо вазъи муассисаҳои  таълимии ноҳия  шинос шуд.       Тибқи иттилои сардори маркази матбуоти Вазорати маорифи ҷумҳурӣ Ноилшо Нуралиев вазири  маориф аз мактаби таҳсилоти умумии №1 ва омӯзишгоҳи касбию техникии №24-и ноҳияи Файзобод дидан карда, вобаста ба таъмини  сифати таҳсил  ва баланд бардоштани сатҳи дониши хонандагон, ба анҷом расонидани корҳои ободонӣ ҷиҳати сазовор таҷлил намудани  ҷашни байналмилалии «Наврӯз» ва  20 – солагии Истиқлолияти давлатии Ҷумҳурии Тоҷикистон ба масъулин дастуру супоришҳои мушаххас дод.