БОЗОРИ «САХОВАТ»-И КӮЛОБ ТАЪМИР МЕШАВАД

Кӯлоб,  7 март. (АМИТ «Ховар»,  С.Холов). –  Бахшида ба  ҷашни 20 – солагии Истиқлолияти  давлатии  Ҷумҳурии  Тоҷикистон  масъулини  бозори  марказии «Саховат»  — и  шаҳри  Кӯлоб баҳри  фароҳам  овардани  шароити  мусоид барои соҳибкорон  ба  корҳои  сохтмонӣ  оғоз   карданд, гуфт  директори бозори   марказӣ  Алихон  Шарифов ба хабарнигори АМИТ «Ховар». Айни  ҳол   корҳои  сохтмонӣ дар  дӯконҳои фурӯши  гӯшт,  маҳсулоти  қаннодӣ, фурӯши  меваю  сабзавот ва  дигар  дӯконҳои  дохилии  бозор  идома ёфта сохтмони он  то   моҳи  майи  соли  ҷорӣ ба  итмом  мерасад.  Қобили зикр  аст, ки  бозори  марказии ноҳия дорои  1520 ҷойи  фурӯш мебошад.  Масъулини  бозор  тасмим  гирифтаанд дар арафаи иди  Модарон 8 – уми  март ва  иди  Наврӯзи  Аҷам  маҳсулоти  мавриди ниёзи  мардум, аз  қабили  гӯшт,  биринҷ,  картошка,  пиёз,  мева ва  дигар  навъҳои сабзавотро  ба  ярмарка   бароварда  бо  нархи  арзон  пешкаши мизоҷон гардонанд.