БУНЁДИ МАҶМААИ ВАРЗИШӢ ДАР НОРАК

Душанбе, 9  март. (АМИТ «Ховар», Назокат  Қодирова). —  Дар  шаҳри Норак  корҳои  асосии  сохтмонӣ дар  маҷмааи  варзишии   деҳаи  Кибил  ба  анҷом  расид. Бояд гуфт, ки ин  иншоот  бо  маблағгузории  соҳибкорони  маҳаллӣ  ва  дастгирии  мақомоти  иҷроияи  ҳокимияти  давлатии   шаҳри  Норак  бунёд  мегардад. Алҳол дар  ин  иншоот  корҳои  сохтмонӣ  ба  маблағи  100 ҳазор  сомонӣ  ба  анҷом  расидаанд. Айни  замон   корҳои  пардоз ва  рангуборкунии  дохили  ҳуҷраҳои  бино идома  дорад. Дар  назар  аст, ки  то  фарорасии  20 – умин  солгарди  Истиқлолияти  давлатии Ҷумҳурии  Тоҷикистон  варзишгоҳи  мазкур  ба  анҷом  расида  он  мавриди  истифода  қарор  мегирад.