КОРХОНАИ ШИР ДАР ҚАЛЪАИ ДАШТ

Файзобод, 17  март. (АМИТ «Ховар», Зебо  Давлатова). –   Дар  арафаи  ҷашни  Наврӯз  дар  ҷамоати деҳоти  Қалъаи  Дашти  ноҳияи  Файзобод   корхонаи истеҳсоли шири  ҶДММ «Сӯҳробҷон»  ба  фаъолият  шурӯъ  намуд.  Тавре  роҳбари  корхонаи  мазкур  Рустам  Назриев  ба  хабарнигори  АМИТ «Ховар»  иттилоъ  дод,  мақсади  асосии  коргоҳ   коркарди  шири  сокинони деҳаҳои гирду атроф мебошад.  Дар  ин  корхона  10  нафар   бо  кор таъмин  шудаанд.  Рустам  Назриев  афзуд, ки   ба  корхона  ҳар  рӯз  500 – 600  литр  шир  аз  ҷамоати деҳоти  Қалъаи  Дашт  ворид     мешавад.     Ҳар  рӯз  аз  шири  воридшуда ҷурғоту  маска ва  қаймоқу  дуғ  истеҳсол  намуда  ба  кормандони  нерӯгоҳи  Роғун  ва  аҳолии  ноҳия  пешкаш   менамоянд. Мушкилии асосии   кори  мо  нарасидани  барқи  доимӣ  мебошад. Агар  роҳбарон моро ҳамарӯза ба муддати  4  соат бо барқ таъмин  мекарданд, мо  метавонистем дар  як  рӯз  беш  аз 2  тонна  шир  қабул  ва коркард намуда 25  нафарро бо ҷои  кори  доимӣ  таъмин  намоем,  гуфт  роҳбари  корхона  Рустам  Назриев.