МУЛОҚОТИ СОҲИБКОРОНИ ТОҶИКУ ПОКИСТОНӢ
Душанбе, 9 март. (АМИТ «Ховар»). — Дар доираи сафари давлатии Президенти Ҷумҳурии Тоҷикистон Эмомалӣ Раҳмон ба Ҷумҳурии Исломии Покистон 8 марти соли 2011-ум дар Палатаи савдо ва саноати шаҳри Исломобод мулоқоти соҳибкорони тоҷику покистонӣ баргузор гардид. Роҳбари Палатаи савдо ва саноати Исломобод Муҳаммад Тавсиф Замон ва раиси Ассотсиатсияи соҳибкорони Тоҷикистон Некрӯз Забиров ин вохўриро имкони васеъи рушди ҳамкориҳои тиҷоратию истеҳсолии дуҷониба арзёбӣ намуда, изҳор доштанд, ки дар заминаи таъсиси корхонаҳои муштараки истеҳсолии коркарди меваю сабзавот, сангҳои қимматбаҳо, пўст, нассоҷӣ ва воридоту содироти мол метавон ба ривоҷи гардиши рўзафзуни маҳсулоти миёни кишварҳо такони нав бахшид. Соҳибкорони покистонӣ омодагии хешро ҷиҳати таҳкими ҳамкориҳои пурсамар бо ҳамкасбони тоҷик баён доштанд. Ба мақсад мувофиқ дониста шуд, ки гурўҳи калони соҳибкорони шаҳри Исломобод ояндаи наздик ба Ҷумҳурии Тоҷикистон ташриф оварда, бо роҳбарони корхонаҳои саноатии Ҷумҳурии Тоҷикистон созишномаҳои муштараки ҳамкорӣ ба имзо расонанд.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
