МУОВИНИ НАВИ ПРОКУРОРИ ГЕНЕРАЛӢ

Душанбе, 11 март.(АМИТ «Ховар», Марзия Саидова). – Бо пешниҳоди Президенти Ҷумҳурии Тоҷикистон Эмомалӣ Раҳмон ва Қарори марбутаи Маҷлиси миллӣ Ҳабибулло Воҳидов 11 март дар иҷлосияи чоруми Маҷлиси миллӣ  муовини Прокурори генералии Ҷумҳурии Тоҷикистон таъин гардид.  Ҳамчунин, дар иҷлосия бо Қарори дахлдори Маҷлиси миллӣ  сохтор, рӯйхати вазифаҳо, шумораи кормандони Дастгоҳи Маҷлиси миллии Маҷлиси Олии Ҷумҳурии Тоҷикистон ва нақшаи  хароҷоти Маҷлиси миллии Маҷлиси Олии Ҷумҳурии Тоҷикистон барои соли 2011 тасдиқ гардид.   Раиси  Маҷлиси миллии Маҷлиси Олии ҷумҳурӣ Маҳмадсаид  Убайдуллоев дар фарҷоми  иҷлосияи чоруми палатаи болоии парлумон намояндагони воситаҳои ахбори оммаро бо иди касбӣ -Рӯзи матбуоти тоҷик сидқан табрик намуда ба онҳо комёбиҳои беназир орзу кард.