ТӮҲФА БА МОДАРОН

  Файзобод,  4 март. (АМИТ «Ховар», Зебо  Давлатова). –  Тавре    муовини  раиси  ноҳияи  Файзобод Сайбӣ  Раҷабова ба  хабарнигори  АМИТ «Ховар»  иттилоъ  дод,   бахшида ба   Иди модар  дар тамоми    шаҳраку деҳоти ноҳия   ҷамъомадҳо баргузор гардида,   дар  он  занони  собиқадор ва оилаҳои  беҳтарин  иштирок  менамоянд.       Рӯзи  7 март  дар  Қасри  фарҳанги  ноҳияи  Файзобод  бо  иштироки  раиси  ноҳия  бахшида ба  ин  ҷашн  ҷамъомади  бошукӯҳ гузаронида  мешавад.  Дар  он  300  нафар  занони  собиқадор ва пешқадами ноҳия   ширкат  варзида  сазовори тӯҳфаҳо мегарданд. Сайбӣ  Раҷабова  афзуд, ки  дар  арафаи  ҷашни    модар 10  нафар  зани  синнашон  аз 95 – сола  боло, ки сокини ноҳия мебошанд,    аз тарафи раиси ноҳия аёдат   шуда,   ба онҳо  тӯҳфаҳои  идона  тақдим    мешаванд.