ТОҶИКИСТОН БА ВАҚТИ «ТОБИСТОНА» НАМЕГУЗАРАД

   Душанбе, 11 март. (АМИТ «Ховар», Дилшодаи Хайруллоҳ). – Тавре аз Агентии  стандартизатсия, метрология, сертификатсия ва нозироти савдои назди Ҳукумати ҶТ ба хабарнигори АМИТ «Ховар» хабар доданд, мутобиқи моддаи 6 Аҳднома «Дар бораи ҳамкорӣ бобати таъмини ягонагии андозаи вақт ва басомад», ки онро ҳукуматҳои кишварҳои аъзои ИДМ  9 октябри соли 1992 имзо карда буданд, мамлакатҳои аъзо 27 марти соли 2011 аз соати 2. 00 – и вақти Маскав ба вақти «тобистона» мегузаранд ва ақрабаки соат 1 соат пеш бурда мешавад.    Ҷумҳурии Тоҷикистон аз соли 1991 ба вақти «тобистона» намегузарад, аз ин рӯ дар қаламрави ҷумҳурӣ ақрабаки соат пеш бурда намешавад.             Ҳамин тавр, аз соати 2.00 – и 27 марти соли 2011 тафовути вақт бо Маскав 1 соатро ташкил медиҳад.