МУРОҶИАТНОМАИ ШСХК «БАРҚИ ТОҶИК» БА МАРДУМИ ТОҶИКИСТОН
Ҳамватанони гиромӣ, Ширкати саҳомии холдинги кушодаи «БАРҚИ ТОҶИК» аз вазъи ногувори барқтаъминкунии аҳолӣ изҳори таассуф намуда, ба иттилои мардуми шарифи кишвар мерасонад, ки сабаби асосии норасоии нерӯи барқ паст шудани ҳарорати ҳаво дар моҳҳои марту апрел, кам гаштани ҳаҷми оби дарёи Вахш ва ба ҳадди бӯҳронӣ поён омадани сатҳи об дар обанбори нерӯгоҳи Норак аст. То ба ин ҳад номусоид омадани обу ҳаво дар фасли баҳор ва боло нарафтани ҳарорат аз солҳои 30 асри гузашта бори нахуст ба назар мерасад. Дар воқеъ то ҳадди ғайричашмдошт кам шудани ҳаҷми оби дарёи Вахш дар фасли баҳор боиси ба ҳадди бӯҳронӣ поён омадани сатҳи об дар обанбори нерӯгоҳи Норак гаштааст. Сабаби дигари чунин ҳолати ногувор хеле кам боридани барф дар фасли зимистони гузашта буд. Бояд таъкид дошт, ки барф сарчашмаи асосии оби Тоҷикистон аст ва мутаассифона ҳаҷми захираи он, тибқи мушоҳидаи мутахассисон, имсол нисбат ба соли гузашта 30-40% кам аст. Бо вуҷуди ин, набояд фаромуш кард, ки мардуми Тоҷикистон дар фасли зимистони гузашта нисбат ба солҳои пешин бо нерӯи барқ хеле бештар таъмин буд ва ҳоло ҳам баробари аз 25-30 дараҷа боло рафтани гармии ҳаво вазъи барқтаъминкунии аҳолӣ беҳ мегардад. Вале бобати ҳарорати ҳаво набояд аз рӯи обу ҳавои шаҳри Душанбе, вилояти Хатлон ё Суғд баҳо дод. Дар гурӯҳи ноҳияҳои минтақаи Рашт, ки мавзеи асосии тавлидоти оби дарёи Вахш аст, то ноҳияи Ванҷ ва пиряхи Федченко ҳарорати ҳаво пурра фарқ мекунад. Барои мисол, рӯзи 6 апрел дар Душанбе ҳарорати ҳаво 23 дараҷа гарм буд, вале дар гурӯҳи ноҳияҳои Рашт, ҳарорат рӯзона +8+10 ва шабона 0-1 дараҷаро ташкил медод. Овозаҳои бардурӯғи иғвоангези дар миёни мардум паҳншаванда, ки гӯё Ҳукумати Ҷумҳурии Тоҷикистон дар ҳамин ҳолат ба хориҷи кишвар нерӯи барқ мефурӯшад, беасосанд, зеро айни ҳол миёни Тоҷикистону Покистон хатти интиқоли нерӯи барқ вуҷуд надорад. Дар шароити кунунӣ аз ҳамагон танҳо даъват менамоем, ки аз нерӯи барқ сарфакорона истифода баранду бо таҳаммул бошанд ва ба ҳар гуна овозаҳои иғвоангез гӯш надиҳанд.
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
Оид ба таъсири омилҳои антропогенӣ ба ҳавзаи дарёи Сурхоб дар шароити тағйирёбии иқлим машварат баргузор гардид
Бахшида ба Рӯзи Ваҳдати миллӣ бо соҳибкорони «Бозори Корвон» вохӯрӣ баргузор шуд
Дар ноҳияи Айнӣ кишти помидор бо усули обёрии қатрагӣ ба роҳ монда мешавад
