Мулоқоти Ҳ. Зарифӣ бо Ҳамоҳангсози доимии СММ дар Тоҷикистон

Душанбе, 23 июл. (АМИТ «Ховар», Пайрав Назаров). — 22 июли соли 2011 Вазири корҳои хориҷии Ҷумҳурии Тоҷикистон Ҳамрохон Зарифӣ Ҳамоҳангсози доимии Созмони Милали Муттаҳид ва Намояндаи доимии Барномаи рушди СММ дар Тоҷикистон Александр Зуевро ба ҳузур пазируфт.Зимни мулоқот ҳамкориҳои миёни Тоҷикистон бо СММ ва ниҳодҳои махсуси он, ки дар кишвар фаъолият доранд, мавриди баррасӣ қарор гирифтанд. Дар рафти вохӯрӣ А. Зуев ба вазир аз натиҷаҳои сафари худ ба шаҳри Ню- Йорк иттилоъ дод. Ҳамзамон, дар чаҳорчӯби вохӯрии мазкур масъалаи вазъияти умумӣ ва ҳамкории байни кишварҳои Осиёи Марказӣ дар ҳалли доираи васеи масъалаҳо матраҳ гардид.Дар ин бора ба АМИТ «Ховар» аз Вазорати корҳои хориҷии ҶТ иттилоъ доданд.