Мусоидат ба ислоҳоти хизмати давлатӣ дар Тоҷикистон

Душанбе, 12 июл. (АМИТ «Ховар», Дилшодаи Хайруллоҳ).- Раёсати хизмати давлатии назди Президенти Ҷумҳурии Тоҷикистон фаъолияти худро дар нимсолаи якуми соли 2011 дар асоси Сарқонуни ҶТ ва санадҳои меъёрию ҳуқуқии марбут ба соҳаи хизмати давлатӣ ба роҳ мондааст.Дар давраи ҳисоботӣ бо назардошти баррасии мавод 1 ҳазору 434 ҳуҷҷат ба суроғаи дахлдор ирсол гардидааст.Ҳамчунин, ба Раёсат 324 маводи марбут ба заминаҳои ҳуқуқии хизмати давлатӣ ворид шуд, ки 72 маводи он барои баррасӣ буда, дар самти ташаккули заминаҳои ҳуқуқии хизмати давлатӣ дар ин давра 42 лоиҳаи санадҳои меъёрии ҳуқуқӣ мавриди баррасӣ қарор дода шуд, ки 9 адади онҳо қабул шуданд,- зикр намуд зимни нишасти матбуотӣ Шарофзода Гавҳар, ректори Донишкадаи такмили ихтисоси хизматчиёни давлатӣ.Қайд карда шуд, ки Қарори Ҳукумати ҶТ «Дар бораи тасдиқи фармоиши давлатии азнавтайёркунӣ ва такмили ихтисоси хизматчиёни давлатӣ дар Донишкадаи такмили ихтисоси хизматчиёни давлатии ҶТ барои соли 2012» таҳия ва ҷиҳати баррасӣ ба Дастгоҳи иҷроияи Президенти ҶТ пешниҳод шудааст.Ҳамкории Раёсати хизмати давлатӣ бо давлатҳои хориҷӣ ва лоиҳаҳои ташкилотҳои байналмилалӣ вусъат ёфтааст. Дар нимсолаи якуми соли 2011 ҷиҳати рушди соҳаи хизмати давлатӣ, аз ҷумла ба меъёрҳои ҷаҳонӣ мутобиқ намудани заминаҳои ташкилӣ-ҳуқуқии хизмати давлатӣ дар назди Раёсати хизмати давлатӣ лоиҳаи Иттиҳоди Аврупо «Мусоидат ба ислоҳоти хизмати давлатӣ дар Тоҷикистон» ба фаъолият оғоз намуд.