Тӯҳфаи Арабистони Саудӣ ба Китобхонаи миллии Тоҷикистон

Душанбе,  20  июл. (АМИТ «Ховар», Пайрав  Назаров ). – Вазорати фарҳанг  ва иттилооти Арбистони  Саудӣ қарор  додааст, ки рӯзҳои  наздиктарин  ба Китобхонаи  миллии  Тоҷикистон  китобҳои гуногунро тӯҳфа  намояд. Тавре  дар Раёсати иттилоот,  матбуот,  таҳлил ва  тарҳрезии  сиёсати хориҷии Вазорати  корҳои  хориҷии  ҶТ  ба  АМИТ «Ховар»  иттилоъ  доданд, ин  тӯҳфа  иборат  аз 650 номгӯӣ китоб   бояд то ҷашни  20 —  солагии  Рӯзи  истиқлолияти Ҷумҳурии  Тоҷикистон  ба  унвонии Сафорати Арабистони  Саудӣ  дар  Тоҷикистон ё ба маъмурияти Китобхонаи миллии  Тоҷикистон  фиристода шавад.Намояндаи Вазорати  фарҳанг  ва иттилооти Арабистони  Саудӣ ҳамчунин  иброз  дошт, ки  китобхона бо  компютерҳо  ва  техникаи  дигари  зарурии  иттилоотӣ  таъмин  хоҳад  шуд.  Таҷҳизоти  зикршуда дар  шаҳри  Душанбе  харидорӣ гардида  ва  дар  ихтиёри Китобхонаи  миллии  Тоҷикистон гузошта  мешавад.