Таъмири роҳҳои пойтахт кай ба анҷом мерасад?
Душанбе, 27 июл.(АМИТ «Ховар», Марзия Саидова).-Алҳол дар роҳҳои як қатор кӯчаю хиёбонҳои пойтахт, аз қабили Рӯдакӣ, Бухоро, Аҳмади Дониш, Дӯстии халқҳо, Шоҳтемур, Соҳилӣ ва Айнӣ то дарвозаи қисмати шарқии Душанбе таъмири асосӣ идома дошта, то ҷашни 20 –солагии Истиқлолияти давлатии Ҷумҳурии Тоҷикистон онҳо мавриди баҳрабардорӣ қарор дода мешаванд. Ин матлабро Сайвалӣ Сафаров, муовини раиси шаҳри Душанбе 27 июл зимни нишастӣ матбуотӣ ба хабарнигорон иброз дошт. Ҳамзамон сохтмони ду гузаргоҳи зеризаминӣ ба маблағи беш аз 11 миллион сомонӣ дар назди мағозаи «Олами китоб» ва меҳмонсарои «Пойтахт» идома дорад. Назар ба иттилои муовини аввали Раиси шаҳри Душанбе Хайрулло Насруллоев то 20 августи соли равон қитъаи роҳ дар ин масир кушода шуда, корҳои сохтмонию ороишӣ дар дохили гузаргоҳҳо идома меёбанд. Дар назар аст, ки ин ду гузаргоҳ дар кӯчаи Айнии пойтахт моҳи декабри соли равон ба истифода дода мешаванд. Корҳои сохтмонию васлгарӣ дар ин иншоот дар се баст босуръат ба роҳ монда шуда, дар он сохтмончиёни ширкатҳои ватанию чиноӣ фаъолият доранд.
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Имрӯз дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
