Қонуншикании замин ошкор шуд

Душанбе, 9 август. (АМИТ «Ховар», Лаззат Диловарзод).- Дар нимаи аввали соли 2011 Кумитаи заминсозии вилояти Суғд 1746 ҳолати вайронкунии қонунгузории заминро ошкор намуд.Тибқи маълумоти кумитаи мазкур, нисбат ба 1746 ҳолат дастур дода шуда, нисбат ба 1060 ҳолат санад тартиб дода шуда, нисбат ба 1057 ҳолат қарори ҷаримабандӣ қабул гардидааст.Қонуншиканон ба маблағи 353 ҳазору 605 сомонӣ ҷарима шуданд. Аз маблағи ҷарима 223 ҳазору 190 сомонӣ ба суратҳисоби кумитаҳои заминсозии шаҳру ноҳияҳои вилоят ворид карда шуд. Кумитаи заминсозии вилоят115 маводро барои додани баҳои ҳуқуқӣ ба прокуратура ва 177 маводро барои ба таври маҷбурӣ ситонидани ҷарима ба судҳо ирсол намуд. Ҳамчунин 1021 ҳолати қонунвайронкунии замин дар масоҳати 4314 гектар бартараф гардида, замин ба ҳолати аввалааш баргардонида шуд.