Афзоиши корхонаҳои истеҳсоли маҳсулоти гӯшту шир

Душанбе, 18 август. (АМИТ «Ховар», Дилшодаи Хайруллоҳ).- 24 корхонаи зертобеи Корхонаи воҳиди давлатии «Гӯшту шир»-и Вазорати энергетика ва саноати Ҷумҳурии Тоҷикистон дар давоми 7 моҳи соли ҷорӣ ба маблағи 13 миллиону 900 ҳазор сомонӣ маҳсулоти гуногуни гӯшту шир истеҳсол карданд, ки нисбат ба ҳамин давараи соли гузашта 2 миллион сомонӣ зиёд мебошад. Бояд гуфт, ки дар замони соҳибистиқлолии мамлакат бо дастгирии Ҳукумати Ҷумҳурии Тоҷикистон ва соҳибкорони маҳаллӣ дар дохили мамлакат истеҳсоли бисёре аз намудҳои маҳсулоти гӯшу шир ба роҳ монда шуд ва дар ин замина, ба истифода додани коргоҳҳои нав воридоти маҳсулот аз хориҷи мамлакатро ба маротиб кам кард.