Баррасии масоили ҳамкории наздисарҳадии Тоҷикистону Қирғизистон

Душанбе, 24 август (АМИТ «Ховар», Пайрав Назаров). – Муовини аввали вазири корҳои хориҷии Ҷумҳурии Тоҷикистон Маҳмудҷон Собиров Сафири фавқулодда ва Мухтори Ҷумҳурии Қирғизистон дар Ҷумҳурии Тоҷикистон Саралаев Урматро ба ҳузур пазируфт.Тавре дар Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии Ҷумҳурии Тоҷикистон ба АМИТ «Ховар» иттилоъ доданд, ҷонибҳо дар ҷараёни мулоқот аз рӯи масъалаҳои рушди ҳамкории дуҷониба дар соҳаҳои иқтисодиёту нақлиёт табодули афкор намуданд.Ҷонибҳо ҷараёни татбиқи муқаррароти Протоколи иҷлосияи даҳуми комиссияи байниҳукуматии Тоҷикистону Қирғизистон оид ба баррасии ҳамкории дуҷониба ва омодагӣ ба мулоқоти навбатии ҳайатҳои ҳукуматии ҳар ду кишвар бобати муайян намудани хати сарҳади Тоҷикистону Қирғизистонро мавриди муҳокима қарор доданд.Ҳамчунин масоили ҳамкории наздисарҳадии ду давлати ҳамсоя баррасӣ шуд.