Дастаи беҳтарини табибу ҳамшираҳои тибби оилавӣ

Душанбе, 18 август (АМИТ «Ховар», Пайрав Назаров). – Директори Агентии ИМА оид ба рушди байналмилалӣ (USAID) дар Ҷумҳурии Тоҷикистон Ҷеффри Лерер ва сардори раёсати тандурустии шаҳри Душанбе Абумуслим Темуров ғолибони озмуни «Дастаи беҳтарини табибону ҳамшираҳои тиббии оилавии соли 2011» — ро муборакбод намуданд. Тавре дар Сафорати ИМА дар Тоҷикистон ба АМИТ «Ховар» иттилоъ доданд, дастаи Маркази тандурустии № 3 шаҳри Душанбе дар ҳайати Давлатмамадова Шаҳло ва Қараева Гулбарг ҷойи аввалро ишғол намуданд.Ҷойи дуюм насиби Ҳакимов Сайдалӣ ва Мирзоева Мағфират аз маркази тансиҳатии № 2 гардид.Дастаҳои маркази тансиҳатии № 14 дар хайати Келдиева Шоира ва Нуралиева Азиза, ҳамчунин маркази тансиҳатии № 10 дар ҳайати Абдураҳмонова Гулнора ва Маҳмадова Маҳина мақоми сеюмро касб намуданд.Мақсад аз ин озмун, ки бо дастгирии Лоиҳаи «Нигаҳдории хушсифати тандурустӣ» (USAID) баргузор шуд, арзёбии холисонаи фаъолияти табибону ҳамшираҳои тиббии оилавӣ аз ҷониби гурӯҳи коршиносон буд.