Эмомалӣ Раҳмон аз Сафирони Белорус, Қазоқистон ва Покистон дар Тоҷикистон эътимоднома қабул намуд
Душанбе, 19 август. (АМИТ «Ховар»).- Президенти Ҷумҳурии Тоҷикистон Эмомалӣ Раҳмон аз нахустин Сафири фавқулодда ва мухтори Ҷумҳурии Белорус ва сафирони нави Ҷумҳурии Қазоқистон ва Ҷумҳурии Исломии Покистон дар Тоҷикистон эътимоднома қабул намуд. Ба Сарвари давлат Эмомалӣ Раҳмон нахустин Сафири фавқулодда ва мухтори Ҷумҳурии Белорус Олга Гаврук, Сафири фавқулодда ва мухтори Ҷумҳурии Қазоқистон Агибай Смагулов ва Сафири фавқулодда ва мухтори Ҷумҳурии Исломии Покистон Амҷад Ҳусайн Баракатулло Сиал эътимоднома супурда, изҳор доштанд, ки барои рушди минбаъдаи муносиботи кишварҳои худ бо Тоҷикистон ҷаҳду талош хоҳанд кард.Сарвари давлат Эмомалӣ Раҳмон онҳоро бо таъин шуданашон ба роҳбарии намояндагии дипломатии кишварҳои худ дар Тоҷикистон табрику таҳният гуфта, барояшон дар рушди муносиботи дўстона ва ҳамкории мутақобилан судманд бо Тоҷикистон барору комёбӣ таманно намуд.Муносиботи Тоҷикистон бо ин се кишвар бо назардошти имкону захираҳои фаровони ҳамкорӣ ва заминаи васеи қарордодӣ — ҳуқуқӣ дорои дурнамои хубу пурманфиат барои ҳамаи ҷонибҳо арзёбӣ гардид.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






